Warning: "continue" targeting switch is equivalent to "break". Did you mean to use "continue 2"? in /homepages/4/d196358719/htdocs/desueder/blog/wp-content/themes/Divi/includes/builder/functions.php on line 5014
Gleuwien un Opti sägeln, passt dat tausom? | De Süder

Wer Opti sägeln kann, kann uk alle annern Sögelböt öve denn Strann bewägn!!! Dat is nu all ein poor Joahr her, as wie vesöcht hem, de Strolsunner dat sägeln tau liern un gliektiedich dat Maximole ut de Boot rut tau holn.

Jedes Joar tau Nikolaus wat up denn Dörpsdiek in Strolsund de „Nikolausregatta“ veanstalt. Ein’n wirklichen Sinn gift dat för uns dorbie eigentlich nich – öwe de Gleuwien schmeckt gaud un Musik hem dei uk – Deshalb hem wie dacht: „Dat is genau dat Richtige för uns!“.

Sägelt waat de Kurs mit ein’n Opti, dat is sonne Nötschol dei eigentlich för Kinne utlecht is. Dor salln nu utgewossene Kierls odde uk Dierns inkladdern un de Sägel inne Wind holn. Tau jede Mannschaft hürn vier Mann, und ümme afwesselnd mütt jeder eine Runn üm denn Dörpsdiek schippern – un dat ganze geit eine Stunn.

Wer de meisten Runn schafft, dei gewinnt denn Pott.

Wie komm jo nu von de Küst un deswägn is uns dat Sägeln in de Weich lecht wordn. Euft hem wie jo jedes Joahr in Winte mitn Peikschlädn un Sägel – und dormit wier för uns vörher eigentlich schon klor, dat de Strolsunne Dösköpp gor nich anträdn brukn.
Öve liekes wulln wie enn uk ne Chance loten un hem vesöcht unse Övemacht mit düchtich  Gleuwien tau minnern.

Dat is uk sier gaud gelung.

Runn för Runn leep mier Wode in de Jöll un denn Kurs müssten wie aff un an uk eis ennern loten. Odde bäde gesächt, de Fühwehr müss uns mit eehr Schlauchboot unt’n Ruhrploon schlöpen. Najo, nixdestautrotz, wie leeten uns von unsen Kurs nich affbring un hem de Gleuwienkass gaud uppfüllt. Nu käm öve de letzte Runn un dor wulln wie de Lüh wies’n, wat ut sonn Opti noch rut tau holn is.

Mit 4 Mann steegen wie in de Boot un unne vulle Konzentration un gliekmäßige Vedeilung von unse Gewicht hem wie de letzte Runn absolviert –  Ohne ümtaukippen odde afftausuupen sünd wie mit väl Applaus an Steech begrüßt wordn.

Gewunn hem wie de Regatta nich, wobie ik öve glöv, dat leech dor ans, dat de Strolsunner uns illegole Mittel in Gleuwien schöt hem. Liekes sünd wie „Sieger der Herzen“ worn, schöön tummelich no Hus gohn un dat is doch wat wirklich tällt….!!!

[metaslider id=155]