NiegesAllgemein
Aktuelle Informationen zur Insel und zum Dorfgeschehen. Aktuelle Infos zu den Veranstaltungen gibt es hier, Termine die den Verein betreffen (Versammlungen, Arbeitseinsätze oder After-Show-Parties) guckst Du hier.
30.08.2010 Party inne Distel
Nu kummt als bald de Wiehnachtsman. Över dat sull nich heiten, dat wie nich danzen gaan. Um juch dat tau beweisen, magt de Distel ne Party. Kummt am 04.09.2010 klock acht. Mal sein ob Helene tau hürn is.
03 + 04.08.2010 Konzert inne Distel
De Kapell "Keimzeit" mokt up ehre Dütschlandturneh n lütten Törn inne Stranddistel. Rinn komm ji af Klock söben, kost twindich Euro Intritt und Korten ann man bestelln unne de Nummer 038300-393- denn man tau!
26.06.2010 Party in de Distel
In Juni kann man jo noch eis de Feut hochleng, so kort för de Sesong noch eis n ruhiges Wochenend hemm, kein Ajge und kein dicken Kopp...dat kunn juch woll so passen!
Nich mit de Distel: Dei dreigen denn Bierhohn und Danzmusik mit Sheldon nemlich all an sössundtwindichsten Juni up - Klock acht geiht dat af!
15.05.2010 Maiführ
Orich
Wind wier, und deilwies uk düchdich Rägen - und de Führwehr loht in taun Maiführ! De Führwehrlüh hemm käken as de Dwaslöpes,
16.05.2010 Internationole Museumsdach
Jedes Johr in Mai finnt de internationole Museumsdach statt. 1977 ging dat los - de idee is, dat alle Museen up de Iehr de Möglichkeit kriegen, tohoop up de Bedüdung von ehre Arbeit upmerksom tau moken. Gliektierich sölln de Gäst upmunnet wahn, eis werre int Museum intaukieken.24.04.2010 Hiddenseeloop
An vierundtwindichsten April wier dat werre so wiet: Hunnetfiefundachzich Löpe sünd dwas öwe de Insel rönnt: Halfmarathon, Volkslohp, Bembiniloop und Fautgänges hemm aals gäben - mier dortau finn ji hier!07.04.2010 Termine
Achtung Termin veschoben!!!! Dat dittjöhrige Sommerfest wahn wi nu all eine Woch tieriger fiern - also an söhfteichsten Juli!27.03.2010 Wodetaxi fohrt werre
De Reederie hett mitdeilt, dat de Wodetaxen von "Hiddenseer Taxiring" werre in Strand ling und uk fohrn. "Pirat", "Störtebeker" und "Anna-Maria" sünd werre unnewägens.Tau erreiken sün de Taxen hier.
17.03.2010 Plättiesen
04.03.2010 Vitt ohne Vitt
So, nu is dat alwerre so wiet: De Vitt is entwei. Ditmohl führt öwe weinichstens de "Insel" - also mütten wi nich aal gliek werre in de Luft gonn. "De Süder" hemm
22.02.2010 Heffikalleishürt
Neulich noch hemm wi hier secht "Und nu fohrt de Vitt iersteis werre". So is dat denn uk komm:
19.02.2010 Nu fohrt de Vitt werre
De Vitt is tröch! Hüt is se werrekomm vonne Slip und nu fohrt se uk all werre.
Dat hier is de aktuelle Fohrplon...öwe veloht Di nich tau dull dorup:
von Vitt: 07.30; 12.30 Uhr; 15.30 Uhr
von Schaproh: 09.15 Uhr; 14.00 Uhr; 16.30 Uhr
12.02.2010 Schneistorm
Kachelmann hett Stormgebruhs und Schnei ansecht...treckt juch orich warm an und mokt denn Gleuwiehn heit!
11.02.2010 Winter int Dörp
Niege Winterbille! Eric wir mit siehn Fotoapparot unnewägens und hät bäten Schnei fotografiert...und up dat Ies het hei sich uk trucht und 'n feines Bild vonne Kopptunn biestürt - välen Dank uk!
10.02.2010 Hiddensee vör 80 Johr
Man sull dat nich glöben - öwe uk vör achtzich Johr hät dat all Schnei up de Insel gäben! Detlev Gau hett uns 'n pohr feine Winterbille ut de dördiger Johr schickt...schön Dank dorvör!
08.02.2010 Rosinentunnleche
Fleisch, Wust, Tüffel, Melk und Greuntüch hett de "Görmitz" hütt an Land bröcht - nu lohnt dat uk werre, eis in' Konsum tau kieken. Öl wier jo uk all bi manch ein knapp - hemm se uk mitbröcht. Und nu sall dat woll ierst eis so wiedelohpen, dat dei Schlepper einmohl inne Woch vörbiekickt und Läbensmittel herbringt.
07.02.2010 MF "Vitte" upn Wech na de Werft
Gisten Obend hett de Schlepper "Görmitz" dat nu bit nah Schaproh schafft und hüt moigen de Vitt uk bit nahn Butenstrand schlöpt - dei is nu unnewägens inne Werft.
Nu is de Schlepper unnewägens und bräkt de Fohrrönn von Schaproh na Vitt up...eis seihn, wat dat so waht.
05.02.2010 Zeitungen sind dor
Obwoll dat dat Kauschicht schniecht und rägend kunn dank denn Bundeswehrinnsatz Zeitungen up de Insel bröcht wahn - gift dat nu inn Konsum!
Brot, Bidde und Mähl gift dat zwir noch nich - öwe solang moken wi denn einfach Krüzwurträtsel!
02.02.2010 Rosinenbomber
01.02.2010 Hiddensee allein tohus
Nu is dat amtlich (kehm sogar in Fernsehen): Keiner kümmt mier run und rup up de Insel. De Tunnleche het uk ümdreicht...nu sünd wi ganz allein.
Inheimsche und Gäst sitten nu hier fast, Mähl und Brot gift' in Konsum uk nich mier..dat is jo as negenundsömtich!
Wiedeläsen...
Seite 1 von 2
