De Süder

De Süder

Dat Ziel ist nur eint - Nähm twei!

In unsen Verein vebinden wie vähle Soken: Arbeiten und Viern, Upstonn mit Taubähgonn, Netten utsetten mit utquitschen, Bier mit Brannwien und nu uk Offline mit Online!

De Süder. Ümme gaut för ne Öweraschung. Und nu uk in't Internet.

Wi -de Websiedenmokegrupp, dei dat hier upbuhcht hätt- muchten uns ganz herzlich bedanken für dat Vetrugen und för dat nette tausommenarbeiten. För uns wier dat ne ganz schön heute Sok: Dat ierste Mohl hemm wi 'ne Websieh mokt, dei uk op Platt sinn sull!

Mit de technik sünd wi jo per du, dat ging ganz fix. Nu wull öwe de Veein uk nich soväl Geld utgäben (is jo uk venünftich, wägen de Krise und so)...dor hemm wi lang öwe nohdacht und rümprobiert und denn hemm wi uns ganz wat Figgelinsches utklamüsert: Wi loten einfach de Faben wech, denn sprn wi jo all 'n ganz Deil! Süht zwor nu bäten schwaat-witt ut - öwe so wier Fernsehn früher jo uk, und man secht jo nich ümsüss "Kümmt aals werre", also sünd wi einglich ganz modern!

Vähl schwieriger wier öwe de Froch: Wenn wi hier fahrich sünd, mütt dat jo einer wiedemoken! Bille rinstäälen, in't Forum uppassen und so - wer sall dat moken? Und wer öwesett eigentlich dei ganzen Texte up platt? Lang hemm wi söcht - und denn, denn hemm wi endlich ein funn: Husmeisting mokt dat!

Dehse Sieh is jo lang nich fahrich...dor müt noch einiges passieren - und dor kümmst Du (Jo, Du!) inn't Spill. Hesst Du nicht noch 'n poor Bille von dat letzte Fest? Orre 'ne lütte Geschicht? Orre sowat in dei Ort? Wenn jo, denn schick dat man fix an Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann. , denn stellt Husmeisting dat hier rin! Jo genau, innt Internet, gaut wa?

Wi wünschen den Veein "De Süder" und denn Husmeisting alles gaude för de Zukunft und vähl Erfolg mit ehre niege Internetsieh.

Juge Websiedenmokegrupp
Mediaagentur "Brägeklütern"
- noh Diktot veschwunn -